Элдик Банктын жамааты Алатоо аянтына клен отургузушту

"Элдик Банктын" 29 жылдык мааракесине карата Mastercard компаниясы менен биргелешип “Жашыл мурас” аттуу экологиялык демилгенин алкагында дарак отургузуу иш-чарасы уюштурулду. Иш-чарага Банктын Директорлор кеңешинин, Башкармалыгынын мүчөлөрү жана Mastercard аймактык кеңсесинин өкүлдөрү катышты.

Бул кадам туруктуу өнүгүүгө багытталган ELGREEN программасынын маанилүү бөлүгү болуп саналат жана корпоративдик маданияттын негизги баалуулуктарын чагылдырат.

Иш-чарада жаш клен дарактары отургузулуп, өсүү, жаңылануу жана жашыл келечекке болгон үмүт символу катары тандалды. Ар бир көчөт менен табиятка кам көрүү, жоопкерчилик жана экологиялык аң-сезим көрсөтүлдү.