Элдик Банк аялдар футболунун өнүгүшүн колдойт
«Элдик Банк» жана Кыргыз Республикасынын Аялдар футболу ассоциациясы өлкөдө аялдар футболун өнүктүрүүгө жана колдоого багытталган стратегиялык кызматташтык тууралуу келишимге кол коюшту. Келишимдин алкагында 2025-жылы аялдар футболу боюнча бир катар оюндарды өткөрүү жана бул спорт түрүн жайылтуу пландалууда.
— Бул биз үчүн жөн гана өнөктөштүк эмес. Бул — тең мүмкүнчүлүктөрдү, командалык духту жана жеңишке болгон ишенимди колдоо. Биз ишенебиз: спорт, айрыкча аялдар футболу — бул дени сак жашоого үндөгөн күчтүү мотивация, ал бүтүндөй муунду шыктандыра алат, — деп белгиледи «Элдик Банктын» Башкармасынын Төрагасынын орун басары Айчүрөк Жакыпова.
— Элдик Банк — аялдар футболу федерациясын расмий түрдө колдогон өлкөдөгү алгачкы банк. Бул кызматташтык биздин көз карашыбыз, баалуулуктарыбыз жана философиябыз менен дал келет. Элдик Банк — башкаларга дем берген үлгү: аялдар спортун колдоо аркылуу ал аялдарды жана алардын мүмкүнчүлүктөрүн колдойт, — деди Кыргыз Республикасынын Аялдар футболу ассоциациясынын Вице-президенти Айдана Оторбаева.
Белгилей кетсек, аялдар футболу федерациясы менен кызматташтык — бул Банктын туруктуу өнүгүү стратегиясынын маанилүү багыттарынын бири болуп саналат жана инклюзивдүүлүк, теңдик жана социалдык демилгелерди колдоо сыяктуу баалуулуктарга берилгендигин тастыктайт.
