“АгроТехЭкспо – 2024” көргөзмөсү 18-20-октябрда өтөт

Урматтуу Бишкек шаарынын тургундары жана коноктору!

Сиздерди “АгроТехЭкспо – 2024” жалпы республикалык көргөзмөсүнө жана “Алтын Күз” айыл-чарба продукцияларынын жарманкесине чакырабыз.

Иш-чаралар 2024-жылдын 18-20-октябрында Бишкек шаарында Т.Усубалиев атындагы  аянтта (эски аянт) өткөрүлөт.

Көргөзмөдө кайра иштетүү өнөр жай жабдууларынын, ветеринардык препараттардын, өсүмдүктөрдү коргоо каражаттарынын, ата мекендик айыл-чарба продукциясынын жана асыл тукум мал породаларынын алдыңкы үлгүлөрү көрсөтүлөт.

Дүйнөдөгү алдыңкы өндүрүүчүлөрдүн айыл чарба техникасынын 200дөн ашуун түрү негизги экспонаттар болуп саналат.

Мындан тышкары, сиздер жарманкеден ата мекендик продукцияларды алгылыктуу баада сатып ала аласыздар.

Биз сиздерди “АгроТехЭкспо – 2024” көргөзмөсүндө күтөбүз!