Элдик Банк ESG облигацияларын дебюттук жайгаштырууну ишке ашырды
«Элдик Банк» өзүнүн туңгуч туруктуу өнүгүү облигацияларын (ESG-облигациялары) Кыргыз Фондулук Биржасынын аянтчасында ийгиликтүү жайгаштырганын сыймыктануу менен жарыялайт.
Жалпы чыгарылган облигациялардын көлөмү 200 миллион сомду түзүп, 36 айлык мөөнөт менен жана жылдык 11% пайыздык ченде сунушталды.
Белгилей кетсек, ESG-облигациялардын 100%ын Кыргыз Республикасынын Социалдык фондунун алдындагы Мамлекеттик топтолмо пенсиялык фонду сатып алды. Бул облигацияларды чыгаруу банк стратегиясында туруктуу өнүгүү долбоорлорун каржылоо үчүн каражат тартуу, ошондой эле социалдык жоопкерчиликти жана экологиялык туруктуулукту жакшыртуу максатындагы маанилүү кадам болуп калды. Бул облигацияларды ишке ашыруу алкагында «Элдик Банк» ESG боюнча эл аралык стандарттарга берилгендигин жана өлкөдө экологиялык таза жана социалдык долбоорлорду колдоого умтулгандыгын дагы бир жолу далилдеди.
— Бул биздин банк үчүн да, жалпы рынок үчүн да маанилүү окуя. Биз туруктуу өнүгүү облигацияларынын ийгиликтүү жайгаштырылышы инвесторлорго коомго жана айлана-чөйрөгө оң таасирин тийгизген долбоорлорго катышууга жаңы мүмкүнчүлүктөрдү ачат деп ишенебиз. Биз өзүнүн финансылык чечимдерибиздин туруктуулугун жакшыртууну жана маанилүү демилгелерди ишке ашыруу үчүн кошумча каражаттарды тартууну уланта беребиз, — деп белгиледи «Элдик Банк» ААКсынын башкармалыгынын төрагасы Уланбек Ногаев.
